Disa të vrarë nga sulmi në selinë e naftës në Tripoli

17:23 | 10 Shtator 2018
Arbresh.info
Një grup i armatosur sulmoi selinë në Tripoli të Korporatës Kombëtare të Naftës së Libisë.

Forcat e sigurisë u përleshën me persona të armatosur në qendër të kryeqytetit, ndërsa u dëgjuan shpërthime dhe të shtëna me armë zjarri, thanë dëshmitarët.

Një zyrtar i sigurisë tha se së paku dy pjesëtarë të stafit dhe dy persona të armatosur janë vrarë në sulm.

Javën e kaluar, Kombet e Bashkuara njoftuan se është arritur armëpushim midis milicive në konflikt.

Një qeveri e mbështetur nga Kombet e Bashkuara është në pushtet në Tripoli, por milicitë kontrollojnë pjesën më të madhe të territorit të vendit.

Nuk është ende e qartë se kush e kreu sulmin në Tripoli.

Sektori i naftës i Libisë, i cili është shumë i rëndësishëm për ekonominë, është përfshirë vazhdimisht nga dhuna që nga koha kur sunduesi libian, Muamar Gadafi, është rrëzuar nga pushteti në vitin 2011.

Shpërndaje në rrjete sociale

Lajmet më të lexuara

Të ngjashme

Foto lajm